Guovddut Juoigá cover

Luođit Guovdageainnus

Namahus: Guovddut Juoigá – Joiks from Guovdageaidnu
Buvttadeaddji: Heaika Hætta
Musihkkagenre: Luohtti
Arvosátni: 3/5
Buoremus luohti: Jonsen Biijá – Inger Marie Nilut

Mun in leat goassege liikun čohkken skearruide, lea sihkkariid dan dihte go lean bajásšaddan 90-logus dalle go čohkken skearrut šaddet bivnnut. Mun dušše muittán buot heajos “Best of”-skearrut maid guldalin go ledjen unni. Muhto mun baicca liikun luđiide, ja čohkken skearru ja luohti lea juste maid buvttadeaddji Heaika Hætta lea ovttastan su maŋemus prošeavttas. Son lea buvttadan skearru “Guovddit Juoigá” gosa son lea čohkken ja bádden luođit Guovdageainnus.

Maid mun vuosttažiin oidnen lei ahte eanet nissonat go dievddut juiget skearrus, mu mielas dat lea nu buorre ja vuogas go musihkarindustriijas lea juo nu olu dievddut mii lea stuora váttisvuohta. Mun in dieđe jus báddet nissoniid lei iešmielas mearadus, muhto mun liikun dasa.

Luođit skearrus leat árbevirolaš olmmoš luođit, mat dieđusge leat hirbmat persovnnalaččat ja dan dihte váddása árvvoštallat. Luohti, ii dušše olmmoš luohti, lea juigiide deaŧalaš ja mu mielas ii leat áibbas riektá ahte mun mearridan mii lea buorre luohti ja mii ii leat. Muhto “Guovddut Juoigá”, mas lea 39 luođi, šaddá vehá gaska gežiin váivi guldalit. Vuođđu dán skerrui lea juoigi iežas jienain ja musihkka haga buot 39 luođi šaddet ilá lossat.

Mun liikun árbevirolaš luđiide, muhto mun lean seammás oalle kritihkalaš go boahtá dasa. Leat dušše moadde juoigit Sámis geat duođas sáhttet mu váikkuhit iežaset luđiin ja mu mielas “dábálaš” lávlá ii boađe goassege leat seammá buorre go luohti. Muhto munnje lei váttis geahččalit guldalit dán skearru čađa.

Mun gávnnan moadde luođit mu mielas leat gullan vearra ja mat mu guoskkahit váibmui, mun maiddái gávnnan moadde masa mun in liiku. Luohti galgá vásihuvvot live, dolla gáttis, duoddaris dahje feastás. Luohti ii leat dušše musihka muhto maiddái vásáhus, juoidá maid juogat iežá olbmuiguin. Lea váttis oažžut dan dovddu skearru čađa.

Hanna Nutti