”Le vájvve gå sámenuora e bajeda sámevuodav juohkka aktijvuodan, álkkep la sidjij tjiegadit.” javllá Gry Helen Sivertsen. Gåvvå: Elin-Anna Labba
”Le vájvve gå sámenuora e bajeda sámevuodav juohkka aktijvuodan, álkkep la sidjij tjiegadit.” javllá Gry Helen Sivertsen. Gåvvå: Elin-Anna Labba

Buris Gry Helen Sivertsen

Gut barggá Árjepluove kulturvahkon ja sáme gatjálvisáj Árjepluove suohkanin. Dån le javllam nuoraj identitehtta ij la heva nanos Árjepluoven, ja sidá sijáv arvusmahttet. Majt dajna miejnni?

– Dáppe le gássjel sábmen liehket. Gávnnu rasissma ja hæhttuv bælostit álmmugav, æládusáv ja sáme duogátjav. Dåbdåv le gássjelis dille dáppe. Iv la de årrum nav moatte sajijn Sámen, valla Jåhkåmåhke hárráj le Árjepluoven garrasap birás.

Gåktu máhttá kulturvahkko dav rievddadit?
_ Jus i ietjat rievddáj åvdås oajbo, de dánna ij mige boade iesj ilmedis. Jáhkáv la ávkálasj jus sámevuohta boahtá almulattjat buorebut vuojnnusij. Árjepluove suohkanin máhtti de buorep dádjadusáv oadtjot, ja ij la dárbbo juohkka ássje åvdås oajbbot.

Gåktu le duv niehko-Árjepluovve?

– Lulujiv sávvat Árjepluovve sjaddá sáme giellaguovdásj ja åvdedahttemav giela hárráj. Dáppe årru edna sáme, tjoahkkáj li guhtta tjielde suohkanin. Lulujiv sávvat tjielgga sáme sebrudagáv gånnå giella vas gullugoahtá.

Gry Helen vaddá tjuorgav 1-5 Árjepluovváj

Gápptefaktåvrrå: 1 ”Dadi bahábu,  gáptev ep álu dáppe vuojne”
Ællosujttofaktåvrrå: 4 ”Le vuojnnusin, gávnnuji stuorra bijla gånnå  sjuohpan la vuojnnusin bijla maŋŋegietjen.”
Muohtavuojánfaktåvrrå: 6
Garrodim-faktåvrrå: 3 ”Suohkangoaden ulmusj gåhtjoduváj ”lappjævel” ja kulturvahkon næjttso nabtostuváj ”lappfitta”, danen iv vatte ienep gå 3 tjuorga.
Juojggamfaktåvrrå: 1 ”Da li konserta juohkka jage, valla iv la goassak ietján gullam avtak juojggamin

Nuorat.se har bytt hemsida i början av 2014. De artiklar som förts över till det nya systemet har därför datumstämplar som inte överensstämmer med det datum då de publicerades första gången. Alla artiklar med denna kursiverade notis är publicerade någon gång mellan 2009 och 2013.